குறிப்புக்கள் - (Notes)
வேறுபாடுகள் - (Pathanthara)
² - நீரஜ த₃ள - வாரஜ த₃ள.
Top

மேற்கோள்கள்
¹ - தா₄த்ரி - "பெயரும், உருவமுமான இவ்வுலகத்தின் அடிப்படையும், அனைத்து விதமான அனுபவங்களுக்கு ஆதாரமும், வெளியுலக அனுவங்கள் எனும் படத்திற்கு வெள்ளித்திரையுமான பரம்பொருள்." (தமிழாக்கம்) விஷ்ணு ஸஹஸ்ர நாமம் (43) 'தா₄தா'

³ - பீட₂ நிலயே - லலிதா ஸஹஸ்ர நாமத்தில் (833) அம்மையின் பெயர் - 'பஞ்சா-ஸ₁த்-பீட₂ ரூபிணி' - 50 பீடங்களின் வடிவானவள் - இதையே, தீக்ஷிதர், தமது 'பஞ்சா-ஸ₁த்-பீட₂ ரூபிணி' என்ற கீர்த்தனையிலும் குறிப்பிடுகின்றார்.

இந்த 50 ஸ₁க்தி பீட₂ங்கள் (1); ஸ₁க்தி பீட₂ங்கள் (2) சிவனின் மனைவி ஸதியின் உடல் பாகங்களென்றும், மொழியின் 50 ஆதார ஒலி வடிவங்களென்றும் கூறப்படும்.
Top

⁴ - வீர ஸ₁க்தி - 'கௌளம்' மற்றும் 'சாக்தம்' எனப்படும் 'சக்தி வழிபாட்டு முறை'யில், 'வீர சக்தி' என்பதற்குத் தனிப்பட்ட பொருளுண்டு. தியாகராஜர், 'வீர' என்ற சொல்லினைப் பொதுவாக பயன்படுத்தியுள்ளாரா அல்லது சாக்தத்தின் சிறப்புச் சொல்லாகவா என்பது விளங்கவில்லை. சக்தியும் சாக்தமும்

⁴ - ஸ₁க்தி - எட்டு சக்திகள் - இந்திராணி, வைஷ்ணவி, சாந்தா, பிரம்மாணி, கௌமாரி, நாரஸிம்ஹி, வாராஹி, மாஹேஸ்வரி.

⁶ - கத₃ம்ப₃ க₃ஹன ஸஞ்சாரிணி - லலிதா ஸஹஸ்ர நாமத்தில், அம்மையின் பெயர், 'கத₃ம்ப₃ வன வாஸினி' (60) - மதுரையம்பதி, கதம்ப வனம் எனப்படும். கதம்ப மரம் அங்கு தல விருக்கமாகும்.
Top

⁸ - ஸ₁ம்ப₃ராரி வைரி - சிவன் - 'ஸம்பரன்' என்ற அரக்கனை, காமனின் மறு பிறப்பென கருதப்படும், கண்ணன் - ருக்மிணியின் மகனான, 'பிரத்யும்நன்' கொன்றான். எனவே காமன், ஸம்பரனின் எதிரியாகும். சிவன், காமனின் எதிரியாகும். பிரத்யும்நனின் கதையினை பாகவத புராணத்தில் (10-வது புத்தகம், 55-வது அத்தியாயம்) நோக்கவும்.

⁹ - கௌமாரி - குமரனின் சக்திக்கு கௌமாரி என்று பெயராகும். மேற்கூறிய எட்டு சக்திகளில் ஒன்று.

¹⁰ - த்ரயம்ப₃கே - முக்கண்ணினள் - த்ரி லோசனி - லலிதா ஸஹஸ்ர நாமம் (477). சிவனுக்கும், விஷ்ணு அவதாரமான, நரசிங்கத்திற்கும் முக்கண்கள் உள்ளதனால் 'த்ரயம்பக' என்று அழைக்கப்படுவர். சிவனின் த்ரயம்பகேஸ்வர அம்பதி 'கோதாவரி' நதி பிறக்கும் 'நாஸிக்' என்ற இடத்தில் உள்ளது.

¹¹ - காத்யாயனி - லலிதா ஸஹஸ்ர நாமம் (556) - "அனைத்து தேவதைகளின் ஒருமித்த சுடரொளி" எனப்பொருளாகும். (ஸ்வாமி தபஸ்யானந்தாவின் ஆங்கில மொழிபெயர்ப்பின் தமிழாக்கம்).

தேவி புராணத்தில் காத்யாயனி என்ற சொல்லின் விளக்கம் நோக்கவும்.
Top

விளக்கம்
⁵ - கம்பு₃ கண்டி₂ - சங்குக் கழுத்தினள் - மூன்று வரிகளுள்ள கழுத்து

⁷ - தடித் - எல்லா புத்தகங்களிலும் இங்ஙனமே கொடுக்கப்பட்டுள்ளது. அதற்கு 'மின்னல்' என்ற பொருள் கொள்ளப்பட்டுள்ளது. ஸம்ஸ்கிருத அகராதியின்படி, மின்னலுக்கு, 'தடி₃த்' என்பது சொல்லாகும். ஆனால், தெலுங்கு அகராதியின்படி, மின்னலுக்கு, 'தடித்' என்பதே ஸம்ஸ்கிருதச் சொல் என்று கொடுக்கப்பட்டுள்ளது. லலிதா ஸஹஸ்ர நாமத்தில், அம்மைக்கு 'தடில்லதா ஸமருசி:' - 'மின்னற் கொடி போன்ற காந்தியுடையவள்' என்று பெயராகும்.

அறம் வளர்த்த நாயகி - (த₄ர்மஸம்வர்த₄னி) - திருவையாற்றில் அம்மையின் பெயர்.
ஸஹ்ய கன்னி - காவிரி (மேற்குத் தொடர்ச்சி மலை 'ஸஹ்யாத்ரி' எனப்படும்)
Top